Grupe “SOS za Montenegro” u Baru je danas  organizovala protest protiv daljeg istraživanja nafte i gasa u crnogorskom podmorju, i tražila  zaštitu mora u svim segmentima.

Na protest zakazan ispred dvorišta barske Gimnazije tačno u podne, gdje je prije nekog vremena posječeno stotinjak čempresa stigli su i aktivisti ekoloških organizacija, “Ozona”, “Nesvrstani”, studentske inicijative “Neću da idem”, pokreta “Odupri se” ,  pokreta “Sačuvajmo Sinjajevinu”......

Skupu se  obratio organizator Mirsad Mirza Kurgaš riječima:
"Krenuli smo iz ulice “palih čempresa”, odakle je krenula prva iskra građanske slobode i neposlušnosti, koja je pokrenula plamen i u Podgorici, i na Crnom jezeru, Bukovici... Ovdje smo jer ne želimo da dozvolimo privatizaciju državnih resursa. Želimo da more ostane naše".

Govorili su i aktivisti ekoloških organizacija,a od ljudi iz Bara, vezanih za more, skupu se obratio sportski ribolovac Vesko Ojdanić koji je,izmedju ostalog  svojim kolegama zamjerio što ih na skupu nije bilo više .

Protestna šetnja propraćena zvukom  sirene stigla je I do gradske marine gdje je protest okončan.