Krajem sedamdesetih godina prošlog vijeka samogradnja jedrilica bila je veoma popularna u Jugoslaviji. Ljubitelji nautike su pažljivo pratili priču u nastavcima  legendarnog zagrebačkog časopisa "Sam svoj majstor", a u njemu nacrte, uputstva i slikoviti foto prikaz gradnje na livadi ispred kuće u Ankaranu u Sloveniji.

Piše: Anto Baković

Bila je to storija o gradnji prve betonske jerdrilice na Jadranu, koji je poduzeo gospodin Jareb (ne sjećam se imena). U ono vrijeme nije bilo jeftinijeg načina da se dođe do plovila. Kako je ova jedrilica napravljena  od ferocementa, često je nazivana betonski brod.

Primjerak jedne takve jedrilice može se i danas vidjeti na staroj raskrsnici u Baru. Ovaj brodić stvarao je čovjek koji je znao što radi, po nacrtima Hartleya, koji su se pokazali kao kvalitetni i trajni, pa se i danas koriste.

Jedrilicu na fotkama je započela moja malenkost prije zemljotresa, rađenjem nacrta a onda je posao prepušten mom prijatelju i našem sugrađaninu Jovici Tišmi.  On je započeo gradnju jedrilice u barskom polju kod stare ambulante.

Napravljen je kostur - rebra po nacrtu od najobičnijih dasaka .Od  specijalnih čelicnih  šipki debljine 5mm  preko par slojeva rabis žice bačenih na kostur od drveta poredjana je armature od šipki apotom prebačeno još par slojeva rabis žice. Tako se sve povezivalo  kao armaturra u građevini, da šipke budu povezane sa svim slojevima  žice za vezivanje čvrsto i bez izbočina, na hiljade vezova… A onda se drvenim batom sve idealno poravnjalo. Kada se to završilo, nastupala je faza od specijalno spremljene cementne mase malterisanja i zrenja betona, obmotanja i prekrivanja sa mokrim krpama koje su dvadesetak dana držale vlagu a  onda je dolazilo na red ostalo…

Prostorni problem, i druge prilike učinile su da ovaj brod završi gdje je a meni probudi sjećanja na zanos gradnje betonske jedrilice davne 1977 godine, crtanja planova u sali Centra bezbednosti Bar…

Na konto ovog projektovanja dobio sm čak i “varijablu” na poslu jer su rukovodioci  mislili da danonoćno radim skicu po uviđaju havarije na jednom brodu…

Koliko je hamera i selotejpa potrošeno naovom projektu znaju dobro moji drugari inspektori  “krim tehnike”,  koji su mi nesebično pomagali u crtanju i savijanju letvica po tačkama kako bi se izvukle linije rebara broda.

“Varijabilu” smo, podrazumijeva se, “utukli” zajednički i to u legendarnoj Amfori na Žukotrlici.

{galerija}more/2016/09/beton{/galerija}