Do sada uplaćeno 115.ooo eura donacija za barsku bolnicu.

Nakon što je  Đorđije Pavićević, predsjednik košarkaškog kluba „Mornar“ donirao 60.000 eura, od kojih 50.000 eura za nabavku 2 respiratora, i 10.000 eura za nabavku osnovnih zaštitnih sredstava za medicinsko osoblje, sa donacijama su nastavili privredni subjekti  i pojedinci na lokalnom nivou, tako da  je do danas pristiglo  115.000 eura za pomoć Barskoj bolnici u borbi protiv koronavirusa.

Opština Bar donirala je 5.000 eura za nabavku materijala za medicinsko osoblje – sredstava za dezinfekciju, maski, rukavica, i druge opreme, dok je za istu svrhu Luka Bar opredijelila 20.000 eura.

AD Marina Bar Bolnici je pomogla donacijom u vrijednosti od 30.000 eura za nabavku ultrazvučnog aparata.
.
Među pojedincima koji su se odlučili na doprinos Bolnici je Kabilj Kurti iz Ulcinja, vlasnik fabrike namještaja „Kurti“, koji je obezbijedio donaciju od 20 kreveta sa dušecima za Bolnicu, kao i načelnik područne jedinice Uprave za nekretnine u Baru Mrđan Kovačević, koji je opredijelio ovomjesečnu platu za potrebe bolnice i pacijenata, uz inicijativu da na ovakav potez motiviše i druge čelnike preduzeća i ustanova u Baru.