Iz NVO "Broj 19" apelovali su na sve nadlježne institucije i pojedince da se angažuju kako bi se stari most na Vrućoj rijeci.

“Ovih dana izvode se radovi na ušću rječica Bunar i Vruća rijeka. Bageri raščišćavaju i kopaju korito pomenutih rijeka, sve do temelja starog mosta na Vrućoj rijeci. Ovaj most iz osmanlijskog perioda je i inače u jako lošem stanju i možemo pretpostaviti kakve posljedice mogu proisteći iz ovih radova? Most na Vrućoj rijeci se nalazi nedaleko od izvorišta Kajnak i predstavlja vakufsko dobro - zadužbinu.

Istoričar Marko Dragović 1908. godine piše: "Vakaf mosta Vruće rijeke. Vruća rijeka izvire ispod planine Lisinja i teče ravnicom krajem podgradskoga dijela varoši i kod mosta utječe u malo veću rijeku Bunar, koja izvire ispod planine Rumije.

Zadužbina za most na Vrućoj rijeci postoji još iz turskoga vremena; ali se njom slabo rukovalo i nije se moglo doći do čistine, koliko je ta zadužbina novaca imala. Toliko je zabilježeno u jednom pismu koje se nalazi kod staroga kadije Huseina Spičića, da je godine 1886. most popravljen i oko popravka da je potrošeno 10.753 groša i 30 para.
Danas ta zadužbina ima 384 korijena maslina."

Pozivamo sve nadlježne institucije i pojedince da se angažuju kako bi se ovaj preostali biser graditeljstva sačuvao”, navodi se u saopštenju
NVO "Broj 19", koje potpisuje Mirsad - Mirza Kurgaš.